ፀሐይ ባንክ ለኢትዮጵያ ሙስሊሞች ልማት ኤጀንሲ ዋና መስሪያ ቤት ግንባታ ማስጀመሪያ የገንዘብ ድጋፍ አደረገ፡፡

የኢትዮጵያ ሙስሊሞች ልማት ኤጀንሲ ዋና መስሪያ ቤት ግንባታ ማስጀመሪያ መርሐግብር በአዲስ አበባ ተከናውኗል፡፡

በማስጀመሪያ መርሐግብሩ ላይ የኢትዮጵያ እስልምና ጉዳዮች ጠቅላይ ምክር ቤት ፕሬዝዳንት ሼህ ሐጂ ኢብራሂም ቱፋ፣ የፀሐይ ባንክ የኦፐሬሽን እና ቢዝነስ ድጋፍ ዳይሬክተር አቶ ባዩ ጥላሁን እና ሌሎች ጥሪ የተደረገላቸው እንግዶች ተገኝተዋል፡፡

የልማት ኤጀንሲው ዋና መስሪያ ቤት ግንባታ በአዲስ አበባ ደብረዘይት መንገድ በተለምዶ ሪቼ ወይም መስከረም በሚባለው አካባቢ የሚከናወን ይሆናል፡፡

ፀሐይ ባንክ ሙሉ በሙሉ ከወለድ ነጻ የባንክ አገልግሎት በሚሰጡ ሁለት ቅርንጫፎች እንዲሁም በሁሉም ቅርንጫፎቹ በመስኮት ደረጃ ከወለድ ነጻ የባንክ አገልግሎትን ለደንበኞቹ በመስጠት ላይ ይገኛል፡፡

ፀሐይ ፈጅር
ከዕሴትዎ የተጣጣመ!