Cyber Security Awareness

ለዲጂታል የባንክ አገልግሎት ነፃ ዋይ ፋይን / Free Wi-Fi በፍጹም አይጠቀሙ!

ነፃ እና ለሁሉም ክፍት የሆነ ገመድ አልባ ኢንተርኔት (Public/Free WiFi) በብዙ ቦታዎች እየተስፋፋ የመጣ ሲሆን በርካታ ተገልጋዮችንም አፍርቷል። በአንፃሩ አብዛኞቹ ተጠቃሚዎች በዚሁ አውታረ መረብ ውስጥ በእነርሱ ላይ ያነጣጠረ ጥቃት ሊከናውን እንደሚችል በቂ ግንዛቤ እና መረጃ የላቸውም። በመሆኑም መሰል የኢንተርኔት አገልግሎቶችን ለሁሉም አይነት ፍላጎቶቻቸው ሲያውሉት ይታያል።


ለሁሉም ሰው ክፍት የሆነ፣ ነፃ እና ገመድ አልባ ኢንተርኔትን በመጠቀም የሚደረግ የዲጂታል ባንክ አጠቃቀም ለገንዘብ እና ለመረጃ ስርቆት ሊዳርግ የሚችልበት ሠፊ ዕድል አለው። በመሆኑም ደንበኞች ይህንን አይነት የኢንተርኔት ግንኙነት ሲጠቀሙ የዲጂታል የባንክ መተግበሪያዎችን እና ድረ-ገፆችን ከመክፈትም ሆነ ከመጠቀም ሊቆጠቡ ይገባል።


“ለዲጂታል የባንክ አገልግሎቶች እና ግብይቶች ነፃ ዋይ ፋይን /Free Wi-Fi በፍጹም አይጠቀሙ!”


ከፀሐይ ባንክ የዲጂታል የባንክ አገልግሎቶች ጋር በተያያዘ ለሚያጋጥሞ ማንኛውም ዓይነት የደህንነት ስጋት ወይም ችግር ጥቆማዎን ለባንካችን በስልክ ቁጥር +251-114-706158 ወይም በኢሜል አድራሻችን info@tsehaybank.com.et ይላኩልን፡፡ን፡፡

ፀሐይ ባንክ
ለሁሉ!

ለዲጂታል የባንክ አገልግሎት ምን አይነት የይለፍ ቃል (Password) ይጠቀማሉ?

ብዙዎቻችን የኢንተርኔት የባንክ የይለፍ ቃላችንን (Password) ደህንነቱ የተጠበቀ እና አስተማማኝ ማድረግ አስፈላጊ መሆኑን በተደጋጋሚ ሰምተናል፤ ነገር ግን አብዛኛውን ጊዜ የብዙዎቻችን ጠባይ ይህን እውቀት አይያንጸባርቅም፡፡ የዕለት ተዕለት ተግባራት እና ጥናታዊ ጽሁፎች ወይም ዳሠሳዎች እንደሚያሳዩን አብዛኛው የሞባይል፣ የኢንተርኔት እና የATM ካርድ ተጠቃሚዎች የይለፍ ቃላቸውን ለጓደኛ ወይም ለቤተሰብ አባል ያጋራሉ/ይነግራሉ/፡፡ ወይንም ተመሳሳይ የይለፍ ቃል ለተለያዩ የባንክ አገልግሎቶች ይጠቀማሉ፡፡ ጥቂት የማይባሉ ተገልጋዮች ደግሞ የሚጠቀሟቸው የይለፍ ቃላት ጠንካራ ውህደት/ጥምረት የላቸውም፡፡

 

እንደ እነዚህ ዓይነት የማይመከሩ የይለፍ ቃል ልማዶችን የሚተገብሯቸው ከሆነ ጉዳቱ በጣም ከፍተኛ ነው፡፡ ስለሆነም እንዴት እንደሚያሻሽሏቸው እናግዝዎ…

 

ምክር 1፡ የይለፍ ቃልዎ ከስድስት ፊደላት በላይ እንዲረዝም ያድርጉ፡፡
ምክር 2፡ ጠንካራ ውህድ/ጥምረት ይጠቀሙ – ቁጥሮች እና ምልክቶች የተካተቱበት ቢሆን ይመረጣል፡፡
ምክር 3፡ የልጆች፣ የባለቤት፣ በቅርብ ያሉ የቤተሰብ አባላትን ስሞች፣ የልደት ቀናት ወይም ሌሎች የግል መረጃዎችን እንዲሁም የተለመዱ ቃላትን ወይም ሌሎች ሊገምቱት የሚችሉትን የይለፍ ቃላት አይጠቀሙ፡፡
ምክር 4፡ ለተለያዩ የባንክ አገልግሎቶች የተለያየ የይለፍ ቃል ይጠቀሙ፡፡
ምክር 5፡ ለወዳጅ እና ቤተሰብዎ ከማጋራት (share ከማረግ) ይቆጠቡ፡፡
ምክር 6፡ የይለፍ ቃልዎ ጠንካራ ውህደት የሚያስታውሱትን ያህል መሆን ይገባዋል፡፡

 

ከፀሐይ ባንክ የዲጂታል የባንክ አገልግሎቶች ጋር በተያያዘ ለሚያጋጥሞ ማንኛውም ዓይነት የደህንነት ስጋት ወይም ችግር ጥቆማዎን ለባንካችን በስልክ ቁጥር +251-114-706158/+251-114-706854 ወይም በኢሜል አድራሻችን info@tsehaybank.com.et ይላኩልን፡፡

 

ፀሐይ ባንክ
ለሁሉ!

ውድ ደንበኛችን፤ ከአጭበርባሪዎች ይጠንቀቁ!!

ከቅርብ ጊዜ ወዲህ በስፋት የሚታዩ የደንበኞች ሂሳብ ላይ ያነጣጠሩ የማጭበርበር ወንጀሎች ተበራክተዋል። ለዚህ ጥቃት ዒላማ ለመሆን የባንክ ደንበኝነት ብቻ በቂ ነው።

 

ውድ የፀሐይ ባንክ ደንበኛችን ከዚህ እና መሠል ጥቃቶች እራስዎን ለመጠበቅ እባክዎትን የሚከተሉትን መርሆች ይከተሉ፦

• ከባንክ በማስመሰል ስልክ በመደወል የተለያዩ አገልግሎቶች ጀምረናል በሚል እና መሰል የማጭበርበሪያ ስልቶች በመጠቀም ከሂሳብዎት ላይ ገንዘብ እንዲያስተላልፉ ሲጠየቁ ባንኩ ይህ ዓይነት አሰራር ስለሌለው እንደማያስተላልፉ ይግለጹ፡፡ ጥቆማዎን ለባንካችን በስልክ ቁጥር +251 114 -705273 ወይም በኢሜል አድራሻችን info@tsehaybank.com.et ይላኩልን፡፡
• ከባንክ የተደወለ በማስመሰል ወይም የግል ሚስጥራዊ መረጃዎችን እና የይለፍ ቃል በስልክ ሲጠየቁ በፍጹም አይናገሩ!
• ለባንካችንም ሰራተኞችም ይሁን ለሌላ ግልሰብ የግል ሚስጥራዊ የይለፍ ቃላት ወይም ቁጥሮች (password or PIN ) በፍጹም አይግለጹ!

 

ፀሐይ ባንክ
ለሁሉ!

Cyber Security

ከመንታፊዎች ይጠንቀቁ!

ቴሌግራም ላይ ከተለያዩ ሰዎች አጭር የጽሑፍ እና የሊንክ መልዕክት እየተላከልዎት ነው?

በመልዕክት የሚላከው ሊንክ ምንድን ነው?

በመልዕክቱ አብሮ የሚደርስዎት ሊንክ (ለምሳሌ፡- በcutt.ly ወይም bit.ly የሚጀምር) የቴሌግራም አካውንትዎን ለመጥለፍ የተዘጋጀ ቴሌግራምን የሚመስል ድረ-ገጽ ነው። ሊንኩን ሲከፍቱት ስልክ ቁጥር አስገብተው ወይም የQR Code Scan አድርገው ወደ ቴሌግራም እንዲገቡ ይጠይቅዎታል።

ቁጥርዎን አስገብተው የሚመጣው ሌላኛው ገጽ በቴሌግራም አካውንትዎ የተላከልዎትን አጭር የማረጋገጫ ቁጥር (One Time Password/OTP) እንዲያስገቡ ይጠይቃል።

የተላከልዎትን የማረጋገጫ ቁጥር ካስገቡ የእርስዎን ቴሌግራም ከእርስዎ በተጨማሪ በቀጥታ ይህንን ወጥመድ ያዘጋጁት መንታፊዎችም መጠቀም ይጀምራሉ።

በዚህም መልዕክቶችን ለሌሎች መላክ እና ከእርስዎ እውቅና ውጭ እርስዎ እንደላኩት አድርገው ማቅረብ ይችላሉ። ወይም ደግሞ የነበረዎትን የቴሌግራም መልዕክት እና የሚከተሏቸውን ገጾች አጥፍተው እንደ አዲስ እንዲጀምሩ ሊጠይቁዎትም ይችላሉ። ይህ ገጽ ልክ ቴሌግራምን እንዲመስል ተደርጎ የተሠራ ሲሆን የሚያስገቡት መረጃ ግን ወደ ቴሌግራም ሳይሆን ይህንን ወደ ሚቆጣጠሩት ሰዎች (ጠላፊዎች) የሚላክ ነው። ይህ ዓይነቱ ማጭበርበር ማጥመድ (Phishing) በመባል ይታወቃል።
ምን ማድረግ እችላለሁ?

ችግሩ ከመፈጠሩ በፊት

1. ማንኛውም ሊንክ ሲደርስዎት ከተላከልዎት ሰው ምንነቱን ሳያረጋግጡ አለመክፈት የተሻለው አማራጭ ነው፡፡

2. ሁለተኛ ዙር የደኅንነት ማረጋገጫ (Two-Step verification) መጠቀም፤ ይህንንም ለማድረግ፡- Setting Privacy and Security Two-Step Verification ገብተው በሚያስታውሱት የሁለተኛ ዙር የደኅንነት ማረጋገጫ የቴሌግራም አድራሻዎን ደኅንነት ያጠናክሩ።

ሊንኩን ከፍተውት ይህ ችግር ካጋጠመዎት ግን

3. በቀጥታ ቴሌግራምዎ ላይ Setting ላይ በመግባት Device የሚለውን በመጫን የእርስዎ አካውንት በምን በምን ስልኮች እና መሣሪያዎች ላይ እየሠራ እንደሚገኝ ማየት ይችላሉ።

በዚህም ከእርስዎ ቁጥጥር ውጪ ያሉ ስልኮችን እንዲሁም እርስዎ ያላካተቷቸው መሣሪያዎችን (Devices) በሙሉ ማስወጣትና እርስዎ የሚጠቀሙበትን ብቻ ማስቀረት ይችላሉ።

በእርግጠኝነት መምረጥ ካልቻሉ ደግሞ Terminate All Other Sessions የሚለውን ተጭነው የስልክዎን ቴሌግራም ብቻ ማስቀረት ይችላሉ።

ፀሐይ ባንክ
ለሁሉ!

Tsehay Bank Chatbot

close
  • person

    Welcome to Teshay Bank!
    Dear Customer, What can I help you?

send
Tsehay-bank-logo-yellow

Subscribe

Subscription Form

Contact Us

  • Contact Center Toll Free: 921
  • Phone: +251 11 470 6158
  • Phone: +251 11 470 6854
  • Fax: +251 11 470 6152
  • P.O.Box: 2506 Code 1000
  • Email: info@tsehaybank.com.et
  • Head Office: Sierra Leone Av, Kirkos Sub-city, Woreda 04, Meaza Dessalegn Bldg
  • Addis Ababa, Ethiopia

Our Services

Quick Links

Follow Us

google play store
App Store

SWIFT Code: TSCPETAA

Tsehay Bank ©️ 2024 All Rights Reserved.